The X-Kanto Girl Mystery

Okay, sa mga na-text ko kagabi, eto na ang istorya.

Ang pagkakaalam natin, lumipad na si xkg papuntang bangkok, pero totoo kaya ito?

Kahapon, after ng trabaho, nilakad ko mula opisina hanggang sa terminal ng mga shuttle sa landmark, as usual. Malakas ang hangin kagabi, at pagdating ko sa terminal, konti lang ang pila! Kakaiba ito, naisip ko. Madalas kasi, kapag umabot na ako sa terminal, mga 2-3 pila na, pero kagabi, konti lang talaga.

Tapos dumating na yung shuttle, isang assembled na fiera na sampuan yata bawat gilid ang kayang isakay. malakas pa ang aircon. pagpasok ko sa loob, at pag-upo, napansin kong konti lang kami. dammit. nakasakay na nga ako agad, pero maghihintay pa kaming mapuno. so linga-linga ako sa bintana, nang biglang matuon ang mga mata ko sa isang babae sa loob ng shuttle!

nakilala ko ang mga features ng mukha, kahawog lang siguro. pero napansin ko, yung pagkakatali ng buhok, yung bagsak ng ilang hibla ng buhok sa mukha niya- si xkg!!!

nakaporma siya ng parang isang yuppie office worker, at parang mas matangkad nang konti, kahit nakaupo.

hmmmm...

napansin yata na napapatingin ako sa kanya kaya sa buong trip, nakayuko lang at natutulog (nagkukunwaring natutulog?) yung babaeng mala-xkg. pero sa tama ng ilaw mula sa labas, putsa, isa lang ang kakilala kong ganun ang features!

kaya totoo kayang nagpuntang bangkok si xkg? o may lucrative yuppie raket siya sa makati?

at bakit siya sumakay ng shuttle papuntang marikina imbis na sa manila? isang deception kaya para sa lahat ng kakilala niya, kasama ang mga tao sa bahay nila?

bakit din na sa araw-araw na pag-commute ko, ngayon ko lang nakasabay yun sa shuttle kung kelan nasa "bangkok" si xkg?

xkg, spill the beans! or kung hindi ikaw yun, grabe, puwede ka na palang mangholdap sa marikina, di ka na mahuhuli. hehehe!

basta sa pagdating ni xkg, i-check nating mabuti ang mga pasalubong kung made in bangkok o made in marikina...