Tang*nang blogger, kinain ang mahaba kong post!

Mahaba sana yung rant ko, pero paiikliin ko na lang: Simula nung Lunes, isang pintuan na lang ng Faculty Center ang bukas, at di mo pa mahulaan kung yung front o carpark entrance ang bukas at sarado. Kailangan mong mag-merry go round in teacher costume only to find out na kailangan mo ulit umikot dahil sarado. Dahil pagod at desperado nang makarating sa so near and yet so far na destinasyon, di iilang estudyante ang nag may-I-akyat-the-windows para lang makatawid. Sinarado na rin ng mga guard ang mga bintana para wala nang dumaan so super hell on earth ang FC ngayon.

Ang dahilan ng lahat ng ito ay wala na raw pondong pambayad ang UP sa maraming guards kaya 1 guard/building ang bukas. True ba ito o isang conspiracy theory para piliting maglakad ang mga tao? Mga gels from Quezon Hall, may balita ba kayo? Kasi ang nanay ko ipinamamalita na sa lahat na broke ang UP at walang pambayad ng guard dahil ginamit na raw ng gobyerno ni ___ na pangampanya nung eleksyon. Di lang UP ang ganito, may mga eskuwelahan ding walang kuryente dahil sabi ng DECS walang pambayad, so wag na mag-ilaw at tapusin ang lahat bago dumilim. Ganito na rin ba ang hahantungan ng UP nating mahal ang bayad at walang pambayad?

Sabihin nyo nang selfish pero gusto ko malaman kung sino ang mananagot sa kinakalyo kong mga paa at nanakit na binti.