Student or Alumni?

Ang implikasyon ng sinasabi ni CLF, pag estudyante ka pa lang, meron ka pang natitirang hint of an identity. Pero kapag pumasok ka na sa totoong mundo na habulan ng sariling buntot, nawawala na rin ang talim ng tahol mo. Nawawala ang breeding, nagiging run of the mill askal ka na lang.

Ganun nga ba yun? May angas pa pag estudyante pero pagdating sa workplace taas kamay na suko na, must blend if we want to achieve yuppie corporate dreams?

Pero I think may truth pa din dun sa sinasabi ng ating Diva when it comes to the maangas UP person sa trabaho. Usually, ito nga yung hanggang ngayon ayaw pa ring bumitiw sa supposedly ay "critical thinking" na minsan kumbinsido na ako na it doesn't exist. Kung gusto mo umasenso, don't bite. Yun ang napansin ko sa mga taga-UP na nagtatrabaho at may relative amount of success. Mas naging mainstream na. I don't know if that's bad, kasi nga sa pamantayan ng lipunan successful na sila. Does that mean pag ganun sellout ka na or you just chose to live a life?

Yung mga nagmamatigas, ayun magmamatigas at magmamatigas pa rin. Pero di rin ako agree na meron pang so called aktibista culture sa UP. That was so 70s. Yun na siguro ang heyday nun. Yung eksena ngayon, mas bilib pa nga ako sa mga taga-ibang eskuwelahan. Nung high school ako sa PUP, mahilig din sa rally ang mga tao dun, nagbabatuhan pa nga ng molotov, at ang laging sabi nila sa amin, mapalad kami dahil dalawa ang "P" namin ang UP ay iisa lang. Hanggang ngayon marami pa ring aktibista sa orig na Peyups. At somehow mas naniniwala ako sa ipinaglalaban nila dahil mas mukha silang tibak. Yung mga tibak sa UP ang babango at lilinis tingnan. Parang mga career student activists. Pagkatapos ng phase na yun, sige follow their yuppie dreams na ulit.

Saka may silbi pa rin ba ang activism chuva na yan? Feeling ko kasi puro porma na lang sila eh. They all know the chants. They all know the songs. Pero parang wala rin naman sa puso nila yung pinaglalaban nila.

As for UP being the best, minsan I can't help but think that it is a myth. Parang kapanipaniwala nga na baka one day magising tayong lahat ang number one skul sa bansa ay AMA, followed by STI at ng St Augustine Nursing School. Para saan ba ang mga UP graduates na puro angas lang at ang Ateneans at La Sallians na bangayan ng bangayan kung sino ang hari ng UAAP basketball samantalang nandyan ang strong workforce ng mga caregivers na siyang magpapalutang sa ekonomiya ng Pinas?

Yung mga assemblies they take so long. Diskusyon ng diskusyon. Nakakailang assembly na, di pa rin tapos ang agenda. Siguro kasi tungkol yun sa points for promotion, at sabi nila, syempre kanya kanyang puntos ang isusulong. Pero minsan mukha rin namang tama. Kinukuwestiyon nila ang inihahain.

Hindi ko naman nilalahat, sinasabi ko lang yung napapansin ko.