Principle?

So nagbabasa ako ng inquirer ngayon nang may napansin ako sa front page- "House leaders agree to 38% cut in pork"

Kahapon, nag-"approve in principle" ang mga magigiting na mga tao sa House of Representatives sa 38% na bawas sa pork budget nila, bilang tulong sa gobyerno para makaahon sa fiscal crisis.

nakuha nyo yung "punchline?"

"in principle..."

principle. prinsipyo. yung bagay na nasa loob natin na nagiging gabay natin para mamuhay nang disente.

Kung titingnan nyo ang front page ng Inquirer ngayong araw na ito, at titingnang mabuti ang first paragraph ng nasabing news article, makikita nyo ang isang bagay na pang-ripley's believe it or not-

MAGKASAMA SA ISANG SENTENCE ANG SALITANG "PRINCIPLE" AT "HOUSE OF REPRESENTATIVES."

Tanong lang, kahit anong number, kapag minultiply mo sa zero, ang sagot ay zero.

1x0=0
2x0=0
3x0=0
etc.

So kung nag-agree ang house of reps "in principle" na tulungan ang bansa...

obvious na siguro, eh?

Bagama't dapat tayong matuwa dahil nagbawas ng pork barrel ang mga representatives natin(at kung binasa nyo yung news item, sapilitan pa ang pagbawas, kundi talaga mga impakto), di ako nagugulat na hindi umabot sa kalahati ang binawas.

Tutal, sa panahon ng krisis mas kailangang mataba ang bulsa, di ba?

Mga senyores, dumungaw po tayo sa labas ng ating mga air-conditioned na opisina at pakinggan ang sigaw ng mga tao- may krisis tayo, kailangan natin ng pera, malaking porsyento sa kita ng bayan, binabayad sa interes ng utang at foreign aids.

At sino nakinabang sa mga foreign aids na binabayaran natin ngayon?

Kaya ngayon, sakripisyo na lang ang hinihingi, ayaw pang bitawan ang pork barrel.

MAbuhay kayong lahat mga senyores.

Sabi nila, sa panahon ng krisis at digmaan, makikita mo ang karakter ng tao. Wheeee!

At speaking of "krisis..."

44 gas stations ang nahuli kahapon na nandudugas ng mga motorista sa Quezon City.

Ang siste, lumabas sa reading ng isang "calibration bucket" na mas malaki pa sa tolerable na 1ml ang kulang per litro ng binobomba ng mga pumps.

Magkano ang "fine?" 400 Pesos.

Yay! 400 Pesos! Nadala na siguro ang mga gas stations na yan, ano? Tutal, sa taas ng presyo ng gas ngayon, at sa dami ng nagpapagas araw-araw, lugi na siguro sila sa 400 Pesos! Wow! Astig!

For the record, kapag nagpapagas ako ng beetle ko (at beetle na yun, tipid na dapat sa fuel expenses!), ang 100 Pesos ko, hindi pa aabot sa 4 na litro.

So ang 400 Pesos na penalty sa mga balasubas na mga istasyon ng gas, roughly nasa 12-13 litro.

At sa tagal ng panahon na nandudugas yung mga istasyon, ilang litro na kaya ang nadaya nila sa mga motorista? At magkano yun lumalabas?

Tapos 400 Pesos ang "fine" nila?

At yan ang dahilan kaya tayo may fiscal crisis...