nami-miss ko na ang Kulit Bulilit...

bago ang batibot, bago ang "Sesame" (hindi sesame street, kundi Sesame, first appearance ni kiko matsing at pong pagong), may tv show na pambata sa channel 13 tuwing weekends (sunday o sabado , nalimutan ko na) bago mag-tanghali- kulit bulilit.

nag-google search ako kanina, at nalaman kong 1975-1986 ang takbo nung show. surprisingly, si imee marcos ang producer at director ng kulit bulilit.

anyways, kumpara sa batibot, mas matanda na nang kaunti ang audience ng kulit bulilit. wala yatang mascot, pero laging may dula. iba ang format kasi.

at nandun pa si smokey manoloto bago ang kanyang iwakura-days nung namamayagpag pa ang takeshi's castle.

hindi kasi masyadong tuon sa education ang kulit bulilit. mas tuon siya sa entertainment, at madalas, may pagka-artsy pa ang approach nito sa kids entertainment- mga weirdong stop motion shorts, mga weirdong animation...

yep, nung panahon nun, kung hindi kulit bulilit, sesame street ang pinapanood ko sa tv. aliw ang sesame street dahil sa puppets, pero iba ang charm ng kulit bulilit.

nung pumasok ang "sesame" sa channel 4, medyo weirdo sa simula para sa mga batang sanay sa sesame street. imbis na malaking ibon, meron tayong masayahing pagong. imbis na grouch sa basurahan, meron tayong matsing na nakatira sa isang nakaparadang jeep. (kung kasingtanda nyo ako, maiintindihan nyo yun.)

nandun si kuya bodjie at si ate sienna, at si kuya mario at ate sylvia.

pero ayan, nag-digress na ako.

masyado kasing fuzzy ang mga naaalala ko sa kulit bulilit, pero alam ko masayang-masaya ako nung pinapanood ko yun.

di na siguro maibabalik yun kung gawan ulit ng bagong season ngayon. malamang kung ibalik yun, panay computer animation na lang. putsa, sukang-suka na ako sa computer animation. maraming tao yata ang sukang-suka sa computer animation, hence nilangaw ang final fantasy spirits within.

yep, yun ang panahon nung may katuturan pa at hindi panay anime rip-off ang laman ng funny komiks (ibalik nyo si niknok!!!), at ang the best na magazine ay "Pambata..."

grabe, kung may dvd ng lumang episodes ng kulit bulilit, tatakbo ako agad sa labas para bumili ng player...

or, puwede kayang i-petition sa channel 13 na imbis na mga walang katuturang tv shopping, mag-replay na lang sila ng kulit bulilit?