Friday afternoon sa isang cubicle sa Makati...

Awa ng Diyos, isa ito sa mga araw na wala akong hinahabol na deadlines.

Katatapos lang ng matitinding campaign at presentations nitong nakaraang 2-3 weeks, at ngayon, eto, tambay lang ako sa opisina. Kaninang umaga, nag-revise lang ng script para sa isang radio ad, at ayun okay na.

Inabot na rin sa akin ng isang officemate yung magazines na kailangan ko para sa weekend sideline namin, kaya puyatan din mamayang gabi.

Anyway, pagpasok ko sa area ng boss ko para ipa-check yung radio ad revisions, napansin ko yung mga libro na nakatabi sa shelf niya- comics, graphic novels, at ilang libro tungkol sa pagsusulat sa advertising.

Tapos napansin ko yung isa- "On Writing" sinulat ni Stephen King. Nanlaki mata ko. ALam din naman nung boss ko na mahilig din ako magbasa ng Stephen King novels, ano pa kaya kung isang "How to Write" book na gawa ni Stephen King. Kaya eto, pinahiram sa akin, at nasa 1/8 na ako. Astig! Maghahanap ako ng sarili kong copy balang araw.

Basically autobiographical ang libro. Tungkol sa childhood niya, sa mga nangyari sa buhay niya na nag-inspire sa ibang mga kuwento niya. Di ko maibaba ang libro, pero may nabasa akong isang part na talagang naka-relate ako.

"Writing is a lonely job. Having someone who believes in you makes a lot of difference. They don't have to make speeches. Just believing is enough." --Stephen King

HAha. Napatawa talaga ako. NApangiti. Pero sa pagtawa na 'yun, ewan, biglang pumait yung laway ko. Putsa. Comedy. Grabe. Comedy.

Anyway, okay lang. Tapos na yun. Isa pa, ang angst, motivation din naman. Vindicated naman ako e. Hehe, may Palanca award naman akong nakalista sa resume. So there.

Isa pa, parang sa video game din e. Sa fighting games ng SNK, kung magiging specific tayo- yung tipong kapag kakaunt na lang ang buhay ng player, ma-a-activate yung desperation moves niya.

Okay, bad analogy, pero ayun.

Sabi nga ni sir Aureus dati sa class namin, once na naging kumportable ang writer, katapusan na niya. End na.

So ang bottomline- hindi lang lonely job ang pagiging writer. Thankless pa. Pero yun siguro ang thrill ng trabaho.

Okay, siguro dapat ko nang i-post yung "So you wanna be a Writer" article ko na hindi ma-i-publish ng NCCA.

Pero in the meantime, tapusin ko muna itong libro...