Ako naman, kinokonsider ko na lang na tapusin ang isa pang season sa kasalukuyan kong trabaho. Kasi ba naman, talagang parang may angas sa akin yung boss namin na tatawagin nating Ga. Ayon sa headwriter ko, sobrang nakabawi naman na daw ako dun sa huling skrip na ginawa ko. Ayon sa kanya. Pero after namin mag-usap, tinawagan niya ako ulit. Ayon daw kasi kay Bb Ga, pare-pareho daw magsalita yung mga karakter ko. Sabi ni Headwriter, para sa kanya well-defined na yung dialogue ko. So the problem really is with the perception of Ms Ga. Siyempre call niya kung ano ang gagawin sa mga tauhan. Yun lang talaga ang problema ko. Hindi niya ako feel. Hindi niya gusto ang pananamit ko. Hindi niya gusto ang pagsusulat ko. Hindi niya ako gusto. Kaya binibigyan ko ang sarili ko ng isang season -- o isang semestre-- at kinokonsider ko na ring mag-iba ng trabaho. Ayoko ng ganitong buhay. Pati kung ano ang gusto niya iintindihin ko pa. Eh ang business ko lang naman kung tutuusin ay ang pagsusulat. Hindi pa niya ako mahayaang mabuhay ng iyon na lamang intindihin.